ភ្នំពេញថ្ងៃទី 25 ខែធ្នូ ឆ្នាំ 2024 ៖ ធនាគារ ខេប៊ីប្រាសាក់ មានសេចក្តីសោមនស្សរីករាយក្នុងការដាក់ឱ្យដំណើរការសេវាបង់ភាគទានមក ប.ស.ស. សម្រាប់សហគ្រាស និងគ្រឹះស្ថាននានា តាមរយៈ ខេប៊ីប្រាសាក់ម៉ូបាល (KB PRASAC Mobile) និង ខេប៊ីប្រាសាក់ខបភើរេត (KB PRASAC Corporate) ។ គ្រប់សហគ្រាស និងគ្រឹះស្ថាន អាចបង់ភាគទាន ប.ស.ស. សម្រាប់បុគ្គលិក និយោជិត និងកម្មកររបស់ខ្លួន បានយ៉ាងងាយស្រួល។

ជាមួយនឹងមុខងារថ្មីនេះ អតិថិជន ដែលជាសហគ្រាស និងគ្រឹះស្ថាន អាចប្រើប្រាស់សេវាប្រកបដោយភាពច្នៃប្រឌិតនេះ ដើម្បីសម្រួលដំណើរការទូទាត់ បង្កើនប្រសិទ្ធភាព និងសុវត្ថិភាពសាច់ប្រាក់សម្រាប់ធុរកិច្ចរបស់ខ្លួនផងដែរ។ តាមរយៈមធ្យោបាយឌីជីថលរបស់ធនាគារខេប៊ីប្រាសាក់នេះ កម្រៃសេវាក្នុងការបង់ភាគទានមក ប.ស.ស.  របស់សហគ្រាស និងគ្រឹះស្ថាន ត្រូវបានលើកលែង។

ការផ្តល់ជូននូវសេវានេះឆ្លុះបញ្ចាំងពីការខិតខំប្រឹងប្រែងជាបន្តរបស់ធនាគារ ខេប៊ីប្រាសាក់ ក្នុងការប្រើប្រាស់នវានុវត្តន៍ឌីជីថលដើម្បីបំពេញតម្រូវការរបស់អតិថិជន និងចូលរួមចំណែកដល់ប្រព័ន្ធអេកូឡូហ្ស៊ីផ្នែកហិរញ្ញវត្ថុឱ្យកាន់តែងាយស្រួល ទំនើប សុវត្ថិភាព និងជំរុញដល់ការរីកចម្រើននៃកម្លាំងធុរកិច្ចនៅក្នុងប្រទេសកម្ពុជា។

សម្រាប់ព័ត៌មានបន្ថែម សូមចូលទៅកាន់ បង់ភាគទានមក ប.ស.ស. សម្រាប់សហគ្រាស ឬទូរស័ព្ទមកលេខ 098 999 911 ឬ 023 999 911។

ខេត្តកំពត ប្រទេសកម្ពុជា៖ ធនាគារ ខេប៊ីប្រាសាក់ មានសេចក្តីសោមនស្សរីករាយក្នុងការចូលរួម ពិធីបុណ្យសមុទ្រ ដែលប្រារព្ធឡើងពីថ្ងៃទី 13 ដល់ 15 ខែធ្នូ ឆ្នាំ 2024 នៅខេត្តកំពត ដែលជាពិធីដ៏អធិកអធម ក្នុងគោលបំណងលើកកម្ពស់ផលិតផលក្នុងស្រុក បង្ហាញពីសក្តានុពលទេសចរណ៍ប្រទេសកម្ពុជា និងបង្ហាញពីឱកាសអេកូទេសចរណ៍​​ តាមតំបន់ឆ្នេរដ៏ស្រស់ស្អាត។ ព្រឹត្តិការណ៍ប្រចាំឆ្នាំនេះ ឆ្លុះបញ្ចាំងពីស្មារតីនៃកិច្ចសហការ និងការច្នៃប្រឌិតក្នុងការជំរុញកំណើនសេដ្ឋកិច្ចប្រកបដោយចីរភាព និងមោទនភាពវប្បធម៌។

នៅក្នុងពិធីបុណ្យនេះ ធនាគារ ខេប៊ីប្រាសាក់ រៀបចំស្តង់ដើម្បីអាចឱ្យភ្ញៀវទេសចរអាចទទួលបានចំណេះដឹងលើការប្រើប្រាស់សេវាហិរញ្ញវត្ថុដែលសមស្របតាមតម្រូវការ ព្រមទាំងការពិគ្រោះយោបល់លើផលិតផល និងសេវាហិរញ្ញវត្ថុរបស់ធនាគារ ខេប៊ីប្រាសាក់ ផងដែរ។ បន្ថែមពីនេះ ធនាគារ ក៏បានចូលរួមក្នុងការជំរុញបរិយាប័ន្នហិរញ្ញវត្ថុ និងបង្កើតទម្លាប់សន្សំជាមួយគ្រឹះស្ថានហិរញ្ញវត្ថុផ្លូវការតាមរយៈការផ្តល់ជូនការបើកគណនីឌីជីថល ជាមួយនឹងប្រូម៉ូសិនដែលផ្តល់រង្វាន់ជាសាច់ប្រាក់ និងវត្ថុអនុស្សាវរីយ៍ជាច្រើនផងដែរ។

ជាផ្នែកមួយនៃការយកចិត្តទុកដាក់ចំពោះការអភិវឌ្ឍប្រកបដោយចីរភាព ធនាគារ ខេប៊ីប្រាសាក់ ក៏កំពុងលើកកម្ពស់ការផ្តល់ប្រាក់កម្ចីបៃតង ដែលជំរុញការវិនិយោគប្រកបដោយការទទួលខុសត្រូវចំពោះបរិស្ថាន និងផ្តល់ផលប្រយោជន៍ទាំងអតិថិជន និងភពផែនដី។

ខេត្តបន្ទាយមានជ័យ ថ្ងៃទី 09 ខែ ធ្នូ ឆ្នាំ 2024៖ ធនាគារ ខេប៊ីប្រាសាក់ ប្រកាសដាក់ឱ្យដំណើរការជាបឋមនូវបណ្ណាល័យទី 46 របស់ខ្លួននៅសាលាបឋមសិក្សាទឹកជោរ ស្ថិតក្នុងភូមិទឹកជោ ឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ។ សកម្មភាពនេះស្របឆ្លុះបញ្ចាំងពីកិច្ចខិតខំប្រឹងប្រែងផ្នែកទំនួលខុសត្រូវសង្គមឥតឈប់ឈររបស់ធនាគារក្នុងបណ្ដុះសេចក្ដីស្រឡាញ់ក្នុងការអានក្នុងចំណោមយុវជនកម្ពុជា និងគាំទ្រដល់ការអភិវឌ្ឍការអប់រំនៅក្នុងសហគមន៍មូលដ្ឋាន។

បណ្ណាល័យដែលទើបកសាងថ្មីនេះ ត្រូវបានបំពាក់ដោយសៀវភៅនិងសម្ភារៈអប់រំប្រកបដោយគុណភាពជាច្រើន ដើម្បីបំផុសទឹកចិត្តសិស្សក្នុងការខិតខំប្រឹងប្រែងសិក្សា និងលើកកម្ពស់ទម្លាប់សិក្សាពេញមួយជីវិត។ ធនាគារ ខេប៊ីប្រាសាក់ ប្តេជ្ញាផ្តល់សម្ភារៈធនធានដែលជំរុញឱកាសសិក្សា ដែលរួមចំណែកដល់ការរីកលូតលាស់ និងការបង្កើនសមត្ថភាពដល់មនុស្សជំនាន់ក្រោយ។

សូម​បញ្ជាក់​ថា​ ​គិត​ត្រឹម​ខែ​ធ្នូ​ ​ឆ្នាំ​ 2024 ​នេះ​ ​គម្រោង​បណគម្រោងបណ្ណាល័យខេប៊ីប្រាសាក់​ដាក់​ឱ្យ​ប្រើប្រាស់​ចំនួន​ 46 ​អគារ​គ្របដណ្តប់​លើ​ភូមិ​ចំនួន​ 499 ​ភូមិ ​ដែល​មាន​ចំនួន​គ្រួសារ​សរុប​ 108,810 ​គ្រួសារ​ ​មាន​ប្រជាជន​សរុប​ចំនួន​ 446,427 ​នៅ​ក្នុង​ 14 ​ខេត្ត​រួម​មាន​ កំពង់ស្ពឺ​ ​កំពង់ចាម​ ​កណ្ដាល​ ​ព្រៃវែង​ ​កំពង់ធំ​ ​សៀមរាប​ ​តាកែវ​ ​ព្រះវិហារ​ ​បាត់​ដំបង​ ​ស្វាយរៀង​ ​បន្ទាយ​មានជ័យ​ ​កែប​ ​ពោធិ៍សាត់ និងត្បូងឃ្មុំ ហើយ​មាន​សិស្សានុសិស្ស​ដែល​ទទួល​ផល​ផ្ទាល់​ពី​គម្រោង​បណ្ណាល័យ​នេះ​ចំនួន​ 171,485 ​នាក់​។​

ភ្នំពេញ 8 តុលា 2024 ៖ ធនាគារ ខេប៊ីប្រាសាក់ ដែលជាធនាគារពាណិជ្ជឈានមុខមួយនៅកម្ពុជា មានមោទនភាពក្នុងការចូលរួមឧបត្ថម្ភគម្រោង “សុវត្ថិភាពហិរញ្ញវត្ថុ” ដោយបានគាំទ្រការបោះពុម្ពសៀវភៅកម្រងមេរៀនស្ដីពី ការពង្រឹងសុវត្ថិភាពហិរញ្ញវត្ថុក្នុងសហគមន៍ ក្នុងគោលបំណងលើកកម្ពស់ចំណេះដឹងផ្នែកហិរញ្ញវត្ថុ សិទ្ធិ និងកិច្ចការពារអតិថិជន។

គម្រោងនេះផ្ដួចផ្ដើមឡើងដោយ ធនាគារជាតិនៃកម្ពុជា និងសមាគមមីក្រូហិរញ្ញវត្ថុកម្ពុជា និងឧបត្ថម្ភគាំទ្រដោយគ្រឹះស្ថានធនាគារនិងហិរញ្ញវត្ថុជាច្រើន ក្នុងនោះរួមមានធនាគារ ខេប៊ីប្រាសាក់ ផងដែរ។

ក្នុងនាមជាធនាគារពាណិជ្ជឈានមុខ ខេប៊ីប្រាសាក់ បញ្ជាក់ពីការប្ដេជ្ញាចិត្តរបស់ខ្លួនចូលរួមជាមួយតួអង្គសំខាន់ៗនៅក្នុងវិស័យហិរញ្ញវត្ថុក្នុងការចូលរួមលើកកម្ពស់បរិយាបន្នហិរញ្ញវត្ថុ និងកិច្ចការពារអតិថិជន និងជួយជំរុញកំណើនសេដ្ឋកិច្ចតាមរយៈការផ្ដល់សេវាហិរញ្ញវត្ថុសម្បូរបែប។

សេអ៊ូល ថ្ងៃទី 13 ខែកញ្ញា 2024៖ លោក Yang Jong-hee ប្រធាននាយកប្រតិបត្តិ KB Financial Group និងថ្នាក់គ្រប់គ្រង KB Financial Group ព្រមទាំងថ្នាក់ដឹកនាំ ធនាគារ ខេប៊ីប្រាសាក់ បានទទួលការអនុញ្ញាតពី ​សម្ដេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភានៃព្រះរាជាណាចក្រ​កម្ពុជា ចូលជួបសម្តែងការគួរសម និងពិភាក្សាការងារនានា នៅ​សណ្ឋាគារ Incheon Inspire Resort នៅទីក្រុង Incheon នៃសាធារណរដ្ឋកូរ៉េ នាព្រឹក​ថ្ងៃទី 11 ខែកញ្ញា ឆ្នាំ 2024 នេះ។

សូមជម្រាបជូនថា សម្ដេចតេជោ ហ៊ុន សែន បានអញ្ជើញបំពេញទស្សនកិច្ច និងអញ្ជើញថ្លែងសុន្ទរកថាពិសេស ក្រោមប្រធានបទ៖ «មាគ៌ាឆ្ពោះទៅកាន់សន្តិសហវិជ្ជមាន និងវិបុលភាពក្នុងអាស៊ាន» ក្នុងវេទិកាចំណេះដឹងពិភពលោកលើកទី 25 នៅប្រទេសកូរ៉េខាងត្បូង។

ក្នុងជំនួបសម្តែងការគួរសមនេះ លោក Yang Jong-hee  បានជម្រាបជូនសម្តេចតេជោ ពីស្ថានភាពអាជីកម្មរបស់ធនាគារ ខេប៊ីប្រាសាក់ ដែលជាបុត្រសម្ព័ន្ធរបស់ធនាគារ គូកមីន ក្នុងការបន្តផ្ដល់សេវាហិរញ្ញវត្ថុដែលសម្បូរបែបប្រកបដោយបរិយាប័ន្ន និងនវានុវត្តន៍​ ព្រមទាំងចូលរួមក្នុងសកម្មភាពការងារសង្គមជាច្រើនដូចជា ការឧបត្ថម្ភកញ្ចប់ថវិកាជូនដល់​មូលនិធិអាហារូបករណ៍សម្តេចតេជោ ហ៊ុន សែន,​ ការជួយសង្គ្រោះកុមារកម្ពុជាតាមរយៈការផ្តល់ការវះកាត់ដល់កុមារដែលមានជំងឺបេះដូង, ការសាងសង់អគារបណ្ណាល័យនិងបន្ទប់រៀនដោយមានបំពាក់សម្ភារៈសិក្សាតាមបទដ្ឋានដែលមាន។

បន្ថែមលើសពីនេះផងដែរ លោកបានថ្លែងបន្តថា KB Financial Group បានចុះហត្ថលេខាលើអនុស្សារណៈយោគយល់គ្នាជាមួយធនាគារជាតិនៃកម្ពុជាក្រោមអធិបតីដ៏ខ្ពង់ខ្ពស់របស់សម្ដេចធិបតីនាយករដ្ឋមន្ត្រី ហ៊ុន ម៉ាណែត ខណៈដែលសម្តេចធិបតីបំពេញទស្សនកិច្ចមកកាន់ប្រទេសកូរ៉េកាលពីខែឧសភា ឆ្នាំ 2024 កន្លងទៅនេះ ដើម្បីបង្កើតប្រព័ន្ធទូទាត់ឆ្លងដែនឃ្យូអរកូតរវាងប្រទេសទាំងពីរ ក្នុងគោលបំណងសម្រួលការចាយវាយរបស់ភ្ញៀវទេសចរ និងការទូទាត់ពាណិជ្ជកម្មនានា។ លោកក៏បានជម្រាបបន្ថែមដែរថា ធនាគារ ខេប៊ីប្រាសាក់ បានចុះហត្ថលេខាលើអនុស្សារណៈយោគយល់គ្នាជាមួយក្រសួងការងារកម្ពុជា ដើម្បីផ្តល់កម្ចីក្នុងអត្រាការប្រាក់សមរម្យដល់ពលករកម្ពុជាដែលត្រូវទៅធ្វើការនៅក្រៅប្រទេសដូចជាប្រទេសកូរ៉េខាងត្បូង ជប៉ុន និងប្រទេសដទៃទៀត។ 

ជាចុងបញ្ចប់នៃជំនួប លោក Yang Jong-hee  បានបន្ថែមថា ធនាគារ ខេប៊ីប្រាសាក់ នឹងអនុវត្តសារាចរណ៍ណែនាំរបស់ធនាគារជាតិនៃកម្ពុជា ស្តីពីការរៀបចំឥណទានឡើងវិញ ក្នុងគោលបំណងជួយសម្រាលបន្ទុកចំណាយ ប្រចាំគ្រារបស់​អតិថិជន ​ដែល​ត្រូវ​បំពេញកាតព្វកិច្ចសងត្រលប់ឥណទាន និងជំរុញកំណើនសេដ្ឋកិច្ច​តាម​រយៈ​ការបង្កើន​លំហូរសាច់ប្រាក់។ លោក ក៏សូមថ្លែងអំណរគុណយ៉ាងជ្រាលជ្រៅជូនចំពោះ សម្តេចតេជោ ដែល​បាន​អនុញ្ញាត​ឱ្យ​រូបលោក និងក្រុម​ការងារបាន​ជួប​សម្តែង​ការ​គួរសម​ក្នុង​ឱកាស​ដែល​សម្តេច​មាន​ដំណើរ​ទស្សនកិច្ច​នៅសាធារណរដ្ឋកូរ៉េ និងសូមគោរពជូនពរសម្តេច ព្រមទាំងគណៈប្រតិភូអមដំណើរទទួល​បាន​នូវ​សេចក្តី​សុខ ជោគ​ជ័យគ្រប់ភារកិច្ច និងរីកចម្រើនជានិរន្តរ៍។

សូមបញ្ជាក់ថា KB Financial Group គឺក្រុមហ៊ុនផ្តល់សេវាហិរញ្ញវត្ថុឈានមុខគេរបស់ប្រទេសកូរ៉េ ដែលផ្តល់ជូននូវផលិតផល និងសេវាហិរញ្ញវត្ថុដ៏សម្បូរបែប។ KBFG ត្រូវបានបង្កើតឡើងក្នុងឆ្នាំ 2008 ដើម្បីបម្រើអតិថិជនឱ្យកាន់តែប្រសើរឡើង ជំរុញកំណើន និងផ្តល់នូវគុណតម្លៃនៅក្នុងបរិយាកាសហិរញ្ញវត្ថុដែលផ្លាស់ប្តូរយ៉ាងឆាប់រហ័ស។ ចំណុចខ្លាំងស្នូលគឺជំនាញ ចំនួនអតិថិជនច្រើន បណ្តាញចែកចាយធំទូលាយ និងនាមករណ៍រឹងមាំ ដែលមានក្រុមហ៊ុនបុត្រសម្ព័ន្ធចំនួន 11 ។ សម្រាប់ព័ត៌មានបន្ថែម៖ www.kbfg.com

ភ្នំពេញ កម្ពុជា ថ្ងៃទី 9 ខែសីហា ឆ្នាំ 2024 – ធនាគារ ខេប៊ីប្រាសាក់ មានសេចក្តីសោមនស្សរីករាយក្នុងការប្រកាសពីការចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រសួងការងារ និងបណ្តុះបណ្តាលវិជ្ជាជីវៈ ដើម្បីផ្តល់កម្ចីគ្មានទ្រព្យធានាដល់ពលករ និងសិក្ខាកាមទៅធ្វើការនៅបរទេស ដែលទទួលស្គាល់ដោយក្រសួងការងារ និងបណ្តុះបណ្តាលវិជ្ជាជីវៈ។ កិច្ចសហការនេះមានគោលបំណងជួយដល់ប្រជាពលរដ្ឋដែលត្រូវការជំនួយហិរញ្ញវត្ថុក្នុងអំឡុងពេលរៀបចំឯកសារទៅធ្វើការងារនៅបរទេស។

ពិធីចុះហត្ថលេខានេះត្រូវបានរៀបចំឡើង ក្រោមអធិបតីភាពដ៏ខ្ពស់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។

កម្ចីដែលគ្មានទ្រព្យធានានេះនឹងផ្តល់ការគាំទ្រផ្នែកហិរញ្ញវត្ថុដែលចាំបាច់ដល់ពលករ និងសិក្ខាកាម ដោយធានាថាពួកគាត់អាចរ៉ាប់រងការចំណាយទាក់ទងនឹងការរៀបចំឯកសារ និងការចំណាយចាំបាច់ផ្សេងទៀតសម្រាប់ធ្វើការនៅបរទេស។ ជាមួយនឹងចំនួនទឹកប្រាក់កម្ចីរហូតដល់ 5,000 ដុល្លារអាមេរិក អត្រាការប្រាក់សមរម្យ 8.5% ក្នុងមួយឆ្នាំ និងរយៈពេលកម្ចីរហូតដល់ 24 ខែ សេវាប្រាក់កម្ចីនេះត្រូវបានបង្កើតឡើងដើម្បីផ្ដល់ភាពងាយស្រួលក្នុងការទទួលបាន និងផ្ដល់សារៈប្រយោជន៍សម្រាប់អ្នកដែលត្រូវការ។

លោក អ៊ុំ សមអឿន ប្រធាននាយកប្រតិបត្តិនៃធនាគារ ខេប៊ីប្រាសាក់ បានអត្ថាធិប្បាយលើគំនិតផ្តួចផ្តើមថ្មីនេះរបស់ក្រសួង ដោយមានប្រសាសន៍ថា “យើងខ្ញុំគាំទ្រពលករ និងសិក្ខាកាមរបស់ប្រទេសជាតិយើង។ តាមរយៈការផ្តល់កម្ចីគ្មានទ្រព្យធានាទាំងនេះ យើងមានគោលបំណងលុបបំបាត់ឧបសគ្គផ្នែកហិរញ្ញវត្ថុដែលជារឿយៗរារាំងប្រជាជនយើងពីការស្វែងរកឱកាសការងារនៅក្រៅប្រទេស។ ភាពជាដៃគូជាមួយក្រសួងការងារ និងបណ្តុះបណ្តាលវិជ្ជាជីវៈនេះឆ្លុះបញ្ចាំងពីការយកចិត្តទុកដាក់របស់យើងក្នុងការជួយដល់កំណើនសេដ្ឋកិច្ច និងការអភិវឌ្ឍ”។

ពលករ និងសិក្ខាកាម ដែលទទួលស្គាល់ដោយក្រសួងការងារ ហើយមានបំណងចង់ស្នើសុំកម្ចី ដើម្បីគាំទ្រការធ្វើដំណើរទៅធ្វើការនៅក្រៅប្រទេស សូមអញ្ជើញទាក់ទងទៅសាខាធនាគារ ខេប៊ីប្រាសាក់ សម្រាប់ព័ត៌មានលម្អិតអំពីរបៀបដាក់ពាក្យស្នើសុំ ឬ ទូរស័ព្ទមកលេខ 086 999 911 ឬ 023 999 911 ។

ភ្នំពេញ ប្រទេសកម្ពុជា៖ ធនាគារ ខេប៊ីប្រាសាក់ មានសេចក្តីសោមនស្សរីករាយក្នុងការប្រកាសជូនកម្មវិធីប្រូម៉ូសិនពិសេសសម្រាប់សេវាផ្ទេរប្រាក់អន្តរជាតិតាមប្រព័ន្ធ SWIFT ។ ចាប់ពីថ្ងៃនេះរហូតដល់ថ្ងៃទី 31 ខែធ្នូ ឆ្នាំ 2024 អតិថិជនអាចរីករាយជាមួយសេវាផ្ទេរប្រាក់អន្តរជាតិខាងក្រោម៖

• មិនគិតថ្លៃបណ្ដាញ សម្រាប់ការផ្ទេរប្រាក់ចេញទៅក្រៅប្រទេស (OTT)៖ អតិថិជនដែលផ្ញើប្រាក់ទៅក្រៅប្រទេសតាមរយៈប្រព័ន្ធ SWIFT នឹងត្រូវបានលើកលែងលើថ្លៃបណ្ដាញ។
• មិនគិតកម្រៃសេវា សម្រាប់ការផ្ទេរប្រាក់ចូលពីក្រៅប្រទេស (ITT)៖ អតិថិជនជាឯកត្តជន និងអាជីវកម្មដែលទទួលប្រាក់តាមប្រព័ន្ធ SWIFT នឹងមិនចំណាយលើកម្រៃសេវាផ្ទេរប្រាក់ចូលនោះទេ ដែលអនុញ្ញាតឱ្យលោកអ្នកទទួលបានចំនួនទឹកប្រាក់ពេញដែលបានផ្ញើ។

ការផ្តល់ជូនដែលមានមានកាលកំណត់នេះ គូសបញ្ជាក់ពីការប្តេជ្ញាចិត្តរបស់ធនាគារ ខេប៊ីប្រាសាក់ ក្នុងការបង្កើនបទពិសោធន៍ធនាគារសម្រាប់អតិថិជនរបស់ខ្លួន ដោយកាត់បន្ថយការចំណាយផ្សេងៗដែលពាក់ព័ន្ធនឹងការផ្ទេរប្រាក់អន្តរជាតិ។

សម្រាប់ព័ត៌មានបន្ថែម សូមចូលទៅកាន់ សេវា​ផ្ទេរ​ប្រាក់អន្តរជាតិ ​តាម​ប្រព័ន្ធ SWIFT ឬទំនាក់ទំនងទូរស័ព្ទលេខ 023 999 911 or 086 999 911.

គណៈគ្រប់គ្រង និងបុគ្គលិកធនាគារ ខេប៊ីប្រាសាក់ មានសេចក្ដីសោមនស្ស សូមចូលរួមអបអរសាទរ ជាមួយប្រជាពលរដ្ឋកម្ពុជា ក្នុងព្រឹត្តិការណ៍ជាប្រវត្តិសាស្ត្រនៃការបើកការដ្ឋានសាងសង់ ព្រែកជីកហ្វូណនតេជោ នៅថ្ងៃចន្ទ 1 កើត ខែស្រាពណ៍ ឆ្នាំរោង ឆស័ក ពុទ្ធសករាជ 2568 ត្រូវនឹងថ្ងៃទី 5 ខែសីហា ឆ្នាំ 2024 ។

ព្រែកជីកហ្វូណនតេជោនេះមានប្រវែង 180 គីឡូម៉ែត្រ ជម្រៅ 5.4 ម៉ែត្រ (ក្រោមទឹក) ដែលត្រូវឆ្លងកាត់ខេត្តចំនួន 4 រួមមាន ខេត្តកណ្តាល តាកែវ កំពត និងកែប។ ក្នុងនោះមានផ្លូវអមសងខាងប្រវែង 208 គីឡូម៉ែត្រ ចាប់ផ្តើមពីទន្លេមេគង្គ ភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្តាល ទៅសមុទ្រខេត្តកែប ដែលមានទ្វារទឹក 3 កន្លែង និងស្ពាន 11 ។ គម្រោងព្រែកជីកហ្វូណនតេជោនេះ នឹងបម្រើផលប្រយោជន៍ដល់កម្ពុជាយ៉ាងធំធេងទាំងផ្នែកសេដ្ឋកិច្ច និងសង្គម។

ភ្នំពេញ ថ្ងៃទី 13 ខែមិថុនា ឆ្នាំ 2024 ៖ ធនាគារ ខេប៊ីគូកមីន (ប្រធាននាយកប្រតិបត្តិ លោក Lee Jae Keun) បានប្រកាសនៅថ្ងៃទី 12 ខែមិថុនា ឆ្នាំ 2024 ថា ធនាគារបានរៀបចំពិធីប្រគល់កញ្ចប់ជំនួយដល់កុមារដែលមានជំងឺបេះដូងនៅកម្ពុជា។

ធនាគារ ខេប៊ីគូកមីន ដែលជាក្រុមហ៊ុនមេរបស់ធនាគារ ខេប៊ីប្រាសាក់ បានឧបត្ថម្ភគាំទ្រការវះកាត់បេះដូងដល់កុមារដែលមានជំងឺបេះដូងនៅក្នុងប្រទេសកម្ពុជាតាំងពីឆ្នាំ 2014 មកម្ល៉េះ ដោយចាប់ផ្តើមពីការបង្កើតមជ្ឈមណ្ឌលបេះដូងនៅមជ្ឈមណ្ឌលវេជ្ជសាស្ត្រហេប្រុន ក្នុងប្រទេសកម្ពុជា។ រហូតមកដល់ពេលនេះ កុមារជាង 250 នាក់បានទទួលការវះកាត់បេះដូង ហើយសុបិននិងក្តីសង្ឃឹមរបស់ពួកគេបានក្លាយជាការពិត។ ឆ្នាំនេះ ធនាគារបានជួយកញ្ចប់ជំនួយដល់កុមារ 25 នាក់ដែលមានជំងឺបេះដូង។

ពិធីប្រគល់អាហារូបករណ៍នេះ មានការអញ្ជើញចូលរួមពីលោក អ៊ុំ សមអឿន ប្រធាននាយកប្រតិបត្តិ ធនាគារ ខេប៊ីប្រាសាក់ លោក Kim Hyeun Jong អនុប្រធាននាយកប្រតិបត្តិ ធនាគារ ខេប៊ីប្រាសាក់ នាយកប្រចាំប្រទេស Hebron Medical Country (HMC) លោក KIM Woo Jung នាយកប្រចាំប្រទេសនៃមជ្ឈមណ្ឌលវេជ្ជសាស្ត្រហេប្រុន លោក BAE Kian នាយកមន្ទីរពេទ្យនៃមជ្ឈមណ្ឌលវេជ្ជសាស្ត្រហេប្រុន និងលោក KIM Yong KI នាយកមន្ទីរពេទ្យផ្នែកវះកាត់នៃមជ្ឈមណ្ឌលវេជ្ជសាស្ត្រហេប្រុន ដើម្បីអញ្ជើញផ្តល់កញ្ចប់ជំនួយដល់កុមារដែលមានជំងឺបេះដូង និងលើកទឹកចិត្តពួកគេឱ្យមានភាពលូតលាស់ និងអនាគតភ្លឺស្វាង។

ចាប់តាំងពីឆ្នាំ 2012 មក KB បានធ្វើគម្រោងរួមចំណែកជួយដល់សង្គម ដោយបានអញ្ជើញកុមារកម្ពុជាដែលមានជំងឺបេះដូងទៅប្រទេសកូរ៉េ ដើម្បីទទួលការវះកាត់ដោយឥតគិតថ្លៃ។ រហូត​មក​ដល់​ពេល​នេះ កុមារ​ជាង 100 នាក់​ដែល​មាន​ជំងឺ​បេះដូង​បាន​ទទួល​ការ​វះកាត់​នៅ​ប្រទេស​កូរ៉េ ហើយ​បាន​ត្រឡប់​មក​ផ្ទះ​វិញ​ដោយមាន​សុខភាព​ល្អ​។

ថ្នាក់គ្រប់គ្រងរបស់ធនាគារ KB បានមានប្រសាសន៍ថា «យើងផ្តល់កញ្ចប់ជំនួយដើម្បីឱ្យកុមារដែលមានជំងឺបេះដូងអាចទទួលបានជីវិតថ្មីតាមរយៈការវះកាត់ និងសម្រេចសុបិនរបស់ពួកគេ។ យើងនឹងបន្តគាំទ្រផ្នែកសប្បុរសធម៌ដល់កុមារដែលជាអ្នកដឹកនាំនាពេលអនាគត ដើម្បីឱ្យពួកគេអាចធំធាត់ និងមានសុខភាពល្អ។

លើសពីនេះ ធនាគារ KB ក៏បានជួយដល់ការវះកាត់ និងព្យាបាលកុមារដែលមានបញ្ហាទម្រង់ផ្ទៃមុខនៅប្រទេសកូរ៉េ ដោយផ្តល់ក្តីសង្ឃឹមថ្មីដល់ពួកគេផងដែរ។

អំពីធនាគារ ខេប៊ីគូកមីន

ធនាគារ ខេប៊ីគូកមីន ជាធនាគារឈានមុខគេរបស់ប្រទេសកូរ៉េ ដែលមានចំនួនអតិថិជន និងបណ្តាញសាខាធំជាងគេនៅក្នុងប្រទេស។ ធនាគារក៏កំពុងឈានមុខគេក្នុងយុគសម័យហិរញ្ញវត្ថុឌីជីថលដោយផ្តល់នូវផលិតផល និងសេវាហិរញ្ញវត្ថុដែលមានលក្ខណៈពិសេសសម្បូរបែបដែលត្រូវបានបង្កើតឡើងដោយចំណេះធ្វើផ្នែកហិរញ្ញវត្ថុប្រកបដោយនវានុវត្តន៍។

ធនាគារ ខេប៊ីគូកមីន ជាសមាជិកនៃក្រុមហ៊ុនហិរញ្ញវត្ថុដ៏ធំបំផុតនៅក្នុងប្រទេសកូរ៉េខាងត្បូង​ ដែលបង្កើតឡើងក្នុងឆ្នាំ 2008 សម្រាប់បម្រើសេវាអតិថិជនកាន់តែប្រសើរ កំណើន និងគុណតម្លៃ នៅក្នុងពិភពលោកដែលផ្លាស់ប្តូរយ៉ាងឆាប់រហ័ស។ សូមស្វែងយល់បន្ថែមតាមរយៈ www.kbfg.com

អំពីធនាគារ ខេប៊ីប្រាសាក់ ម.ក

ធនាគារ ខេប៊ីប្រាសាក់ ម.ក គឺជាធនាគារពាណិជ្ជបង្កើតថ្មី ក្នុងគោលបំណងផ្ដល់សេវា និងផលិផលធនាគារប្រកបដោយ​ភាព​ច្នៃប្រឌិត​ និង​សម្បូរ​បែប​ជូន​ដល់អតិថិជននៅ​កម្ពុជា លើកកម្ពស់​បរិ​យា​ប័ន្ន​ហិរញ្ញវត្ថុ ជំរុញ​កំណើន​សេដ្ឋកិច្ច និងផ្ដល់ជូនដំណោះស្រាយសេវាធនាគារឌីជីថលដ៏ទំនើបដើម្បីបំពេញតម្រូវការរបស់ទីផ្សារ។ សូមស្វែងយល់បន្ថែមតាមរយៈ www.kbprasacbank.com.kh

អំពីមជ្ឈមណ្ឌលវេជ្ជសាស្ត្រ​ហេប្រុន

មជ្ឈមណ្ឌលវេជ្ជសាស្ត្រ​ហេប្រុន ជាអង្គការសប្បុរសធម៌មិនស្វែងរកប្រាក់ចំណេញ ដែលមានគោលបំណងផ្ដល់ជំនួយវេជ្ជសាស្ត្រ​ដល់កុមារកម្ពុជាដែលទីទ័លក្រ។ មជ្ឈមណ្ឌលនេះ​ផ្ដល់ការព្យាបាល​ដល់អ្នកជំងឺជាង 60,000 និងការវះកាត់រាប់ពាន់ករណី ក្នុងនោះក៏មានការវះកាត់បេះដូងចំហជារៀងរាល់ឆ្នាំផងដែរ។ ហេប្រុន មានទីតាំងស្ថិតនៅ អគារលេខ 102 ផ្លូវ 68K ភូមិព្រៃសាលា សង្កាត់កាកាប 2 ខណ្ឌពោធិ៍សែនជ័យ រាជធានីភ្នំពេញ ប្រទេសកម្ពុជា។ ព័ត៌មានបន្ថែម www.hebronmc.org

ភ្នំពេញ ថ្ងៃទី 17 ខែ ឧសភា ឆ្នាំ 2024 – ធនាគារ ខេប៊ីប្រាសាក់ ម.ក ដែលជាបុត្រសម្ព័ន្ធរបស់ធនាគារ KB Kookmin Bank – កូរ៉េ បានប្រកាសថា ធនាគាររួមជាមួយម្ចាស់ភាគហ៊ុនរបស់ខ្លួនគឺ KB Kookmin Bank បានចុះហត្ថលេខាលើអនុស្សារណៈយោគយល់គ្នាស្តីពីកិច្ចសហប្រតិបត្តិការទូទាត់ឆ្លងដែនតាមឃ្យូអរកូតរវាងប្រទេស​កម្ពុជា និង ប្រទេសកូរ៉េខាងត្បូង ដែលបានផ្តួចផ្តើមដោយធនាគារជាតិនៃកម្ពុជា។ ពិធីចុះហត្ថលេខានេះ ធ្វើឡើងក្នុងវេទិកា​ធុរកិច្ចនៅប្រទេសកូរ៉េខាងត្បូង នៅថ្ងៃទី​ 16 ខែឧសភា ដោយមានការរៀបចំពីសភាពាណិជ្ជកម្មកម្ពុជា និងសភាពាណិជ្ជកម្មនិងឧស្សាហកម្មកូរ៉េ។

ការចុះហត្ថលេខាលើអនុស្សរណៈការយោគយល់គ្នានេះ គឺដើម្បីជំរុញប្រតិបត្តិការទូទាត់ឆ្លងដែនតាមឃ្យូអរកូត ផ្ទេរប្រាក់ ការទូទាត់ជារូបិយប័ណ្ណជាតិរវាងកម្ពុជា និងកូរ៉េខាងត្បូង សំដៅកសាងទំនុកចិត្ត សុវត្ថិភាព ប្រសិទ្ធភាព ស្ថិរភាព និងបរិយាបន្នបន្ថែមទៀត ដែលជាប្រយោជន៍សម្រាប់ប្រជាពលរដ្ឋ និងធុរជននៃប្រទេសទាំងពីរ ជាពិសេសដើម្បីលើកកម្ពស់លទ្ធភាពទទួលបានសេវាហិរញ្ញវត្ថុរបស់ពលករចំណាកស្រុកកម្ពុជា។

សេវាហិរញ្ញវត្ថុដែលប្រកបដោយភាពច្នៃប្រឌិតនេះ នឹងអនុញ្ញាតឱ្យអ្នកប្រើប្រាស់កម្មវិធី KB PRASAC Mobile ធ្វើការស្កេន និង​ទូទាត់តាមឃ្យូអរកូតរបស់ KB Kookmin Bank នៅប្រទេសកូរ៉េ។ មានតែគណនីប្រាក់រៀលប៉ុណ្ណោះដែលអាចធ្វើប្រតិបត្តិការនេះតាមរយៈកម្មវិធី KB PRASAC Mobile ។ ឥឡូវនេះ អតិថិជនអាចបើកគណនីសន្សំបានដោយគ្រាន់​តែ​ទាញ​យក​​កម្មកម្មវិធី KB PRASAC Mobile ហើយចុះឈ្មោះប្រើប្រាស់ដោយខ្លួនឯងសម្រាប់ការស្កេន-ទូទាត់នៅក្នុងប្រទេសកូរ៉េនៅពេលខាងមុខនេះ។

មធ្យោបាយទូទាត់ឌីជីថលនេះនឹងលុបបំបាត់ការប្រើប្រាស់ក្រដាសប្រាក់ មិនលំបាកក្នុងការប្តូររូបិយប័ណ្ណ ធានាបាន​នូវបទពិសោធន៍ដែលមានប្រសិទ្ធភាពខ្ពស់ និងងាយស្រួលប្រើសម្រាប់អ្នកប្រើប្រាស់ខេប៊ីប្រាសាក់ម៉ូបាល និងអតិថិជនរបស់ KB Kookmin Bank ។

ថ្នាក់គ្រប់គ្រង KB Kookmin Bank បានមានប្រសាសន៍ថា ការចុះហត្ថលេខាលើអនុស្សារណៈយោគយល់គ្នារវាងធនាគារជាតិនៃកម្ពុជា និង KB Kookmin Bank គឺជាការវិវឌ្ឍថ្មីមួយ និងជាយុទ្ធសាស្ត្រដើម្បីអនុញ្ញាតឱ្យក្រុមហ៊ុនបុត្រសម្ព័ន្ធរបស់ខ្លួន “ធនាគារ ខេប៊ីប្រាសាក់” ផ្តល់ជម្រើសឧបករណ៍ទូទាត់មួយផ្សេងទៀតដល់អតិថិជនជាមួយ​នឹងមធ្យោបាយងាយស្រួល និងសុវត្ថិភាពក្នុងការទូទាត់ដោយពុំចាំបាច់ប្រើក្រដាសប្រាក់ក្នុងប្រទេសកូរ៉េ រួមទាំងការ​ផ្ទេរ​ប្រាក់ដែលមានតម្លៃសមរម្យសម្រាប់ពលករចំណាកស្រុកកម្ពុជាផងដែរ។ ជាមួយគ្នានេះ អតិថិជនរបស់ KB Kookmin Bank នឹងអាចស្កេន-ទូទាត់តាមរយៈខេអេចឃ្យូអរកូតរបស់ខេប៊ីប្រាសាក់នៅកម្ពុជាផងដែរ។

លោកបានបន្ថែមថា ដំណោះស្រាយការទូទាត់ និងផ្ទេរប្រាក់ប្រកបដោយភាពច្នៃប្រឌិត នឹងក្លាយជាបណ្តាញសុវត្ថិភាព ងាយស្រួល និងជាផ្លូវការសម្រាប់ការទូទាត់ និងការផ្ទេរប្រាក់ឆ្លងដែនតាមឃ្យូអរកូត ដែលផ្តល់អត្ថប្រយោជន៍ មិនត្រឹមតែសម្រាប់ប្រជាពលរដ្ឋនៃប្រទេសទាំងពីរប៉ុណ្ណោះទេ ថែមទាំងគាំទ្រដល់ការអភិវឌ្ឍសេដ្ឋកិច្ច និងហិរញ្ញវត្ថុទៀត​ផង។ ធនាគារ ខេប៊ីប្រាសាក់ ដែលជាក្រុមហ៊ុនបុត្រសម្ព័ន្ធរបស់ KB Kookmin Bank នៅកម្ពុជា នឹង​ដើរតួយ៉ាងសំខាន់ក្នុងការបង្កើត និងដំណើរការប្រព័ន្ធទូទាត់ រួមទាំងដើរតួនាទីជាធនាគារទូទាត់សម្រាប់ប្រតិបត្តិការសេវាទូទាត់ឆ្លងដែននេះ។

ថ្នាក់គ្រប់គ្រងរបស់ធនាគារសូមគោរពថ្លែងអំណរគុណយ៉ាងជ្រាលជ្រៅជូនចំពោះធនាគារជាតិនៃកម្ពុជា សម្រាប់គំនិតផ្តួចផ្តើមនេះ និងផ្តល់ឱកាសដ៏ល្អដល់ KB Kookmin Bank និងធនាគារ ខេប៊ីប្រាសាក់ ក្នុងការចូលរួមក្នុងប្រព័ន្ធទូទាត់ឆ្លងដែនតាមឃ្យូអរកូត ដើម្បីផ្តល់ជូនអតិថិជននូវបទពិសោធន៍ទូទាត់ឆ្លងដែនប្រកបដោយភាពរលូន។

សូមបញ្ជាក់ថា KB Kookmin Bank និងធនាគារ ខេប៊ីប្រាសាក់ បានជួយឧបត្ថម្ភថ្លៃវះកាត់ដល់កុមារជាង 100 នាក់ ដែលមានជំងឺបេះដូង នៅមជ្ឈមណ្ឌលវេជ្ជសាស្ត្រ Hebron នៅរាជធានីភ្នំពេញ ចាប់តាំងពីឆ្នាំ 2014 មកម៉្លេះ។ បន្ថែម​លើសពីនេះ ធនាគារ ខេប៊ីប្រាសាក់ បានគាំទ្រសកម្មភាពមនុស្សធម៌នានា ដូចជាការបរិច្ចាគថវិកាដល់កាកបាទក្រហមកម្ពុជា អង្គការស្នាមញញឹមកម្ពុជា និងការកសាងវប្បធម៌អានរបស់សិស្សានុសិស្សកម្ពុជាតាម​រយៈ​គម្រោង​បណ្ណាល័យ។

ភ្នំពេញ៖ ធនាគារ ខេប៊ីប្រាសាក់ ដែលស្ថិតក្នុងចំណោមធនាគារ​ពាណិជ្ជធំៗនៅ​កម្ពុជា​ បានឧបត្ថម្ភថវិកា​ចំនួន​ 100​ លាន​រៀល​ ជូន​ចំពោះ​កាកបាទ​ក្រហម​កម្ពុជា​ ក្នុង​ឱកាស​ពិធី​អបអរ​សាទរ​ខួប​លើក​ 161​ ទិវា​ពិភពលោក​កាកបាទ​ក្រហម​ និង​អឌ្ឍចន្ទ​ក្រហម​ ​ថ្ងៃ​ទី​ 8​ ខែ​ឧសភា​ ឆ្នាំ​ 2024 ក្រោម​ប្រធាន​បទ​ “រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ” ។

លោក អ៊ុំ សមអឿន ប្រធាននាយកប្រតិបត្តិ ធនាគារ ខេប៊ីប្រាសាក់ បានមានប្រសាសន៍ថា “យើងខ្ញុំពិតជាមានកិត្តិយស​ដែលបានរួមចំណែកក្នុងកិច្ចការសប្បុរសធម៌ដ៏មានសារៈសំខាន់របស់កាកបាទក្រហមកម្ពុជា។ ការបរិច្ចាគនេះ​បញ្ជាក់ពីការប្ដេជ្ញាចិត្ត​យ៉ាងមោះមុតក្នុងការគាំទ្រសហគមន៍”។

ធនាគារ ខេប៊ីប្រាសាក់ តែងតែបានផ្សារភ្ជាប់ខ្លួនយ៉ាងសកម្មទៅនឹងសកម្មភាពសង្គមជាច្រើន ដើម្បីបង្កើតជាគុណតម្លៃជូនសហគមន៍។ ធនាគារក៏បានចូលរួមសកម្មសង្គមជាច្រើនដូចជា ចូលរួមប្រយុទ្ធប្រឆាំងជំងឺកូវីដ-19 សាងសង់អគារបណ្ណាល័យនិងសាលារៀន ចូលរួមឧបត្ថម្ភដល់សិស្សពូកែ ឧបត្ថម្ភទិវាអំណានជាតិ ឧបត្ថម្ភកម្មវិធីចំណេះដឹងហិរញ្ញវត្ថុ យុទ្ធនាការ “ខ្ញុំស្រលាញ់ប្រាក់រៀល” និងផ្តល់ជំនួយសង្គ្រោះបន្ទាន់ដល់អតិថិជនផងដែរ។

​​​ការឧបត្ថម្ភថវិកានេះ បញ្ជាក់ពីការប្ដេជ្ញាចិត្តរបស់ធនាគារ ខេប៊ីប្រា​សាក់​ ក្នុងការ​គាំទ្រ​ដល់​សកម្មភាព​សង្គម​​របស់​កាកបាទក្រហម​កម្ពុជា​។​ ខេប៊ី​ប្រា​សាក់​សង្ឃឹមថា​ ​ការ​បរិច្ចាគ​ថវិកា​នា​ពេលនេះ​ ​នឹង​ចូលរួម​ចំណែក​ក្នុង​ការគាំទ្រកាកបាទក្រហម​កម្ពុជា​កាន់តែ​មានលទ្ធភាព​ទូលំទូលាយពង្រីកកម្មវិធី​ជួយ​ដល់​ជន​ងាយ​រងគ្រោះ​បន្ថែម​ទៀត​។

ខេត្តកំពង់ធំ៖ អគារសិក្សាថ្មីមួយខ្នង ដែលមាន 5 បន្ទប់ បានធ្វើពិធីប្រគល់ជូនដល់សាលាបឋមសិក្សាអូរទឹកថ្លា ស្ថិតក្នុងភូមិទឹកថ្លា ឃុំក្រយា ស្រុកសន្ទុក ខេត្តកំពង់ធំ កាលពីព្រឹកថ្ងៃចន្ទ ទី 22 ខែមេសា ឆ្នាំ 2024 ដើម្បីចូលរួមចំណែកលើកកម្ពស់វិស័យអប់រំ។

ពិធីនេះប្រព្រឹត្តទៅក្រោមអធិបតីភាពរបស់ ឯកឧត្ដម ស៊ុំ សន្និសិទ្ធ ទេសាភិបាលរង ធនាគារជាតិនៃកម្ពុជា ដែលជាតំណាងដ៏ខ្ពង់ខ្ពស់របស់លោកជំទាវបណ្ឌិត ជា សិរី អគ្គទេសាភិបាល ធនាគារជាតិនៃកម្ពុជា, លោក ឡង គីសឹង អភិបាលនៃគណៈអភិបាលស្រុកសន្ទុក, និងលោក អ៊ុំ សមអឿន ប្រធាននាយកប្រតិបត្តិ នៃ ធនាគារ ខេប៊ីប្រាសាក់ ម.ក។ ពិធីនេះក៏មានការចូលរួមផងដែរពីអាជ្ញាធរដែនដី លោកគ្រូ អ្នកគ្រូ សិស្សានុសិស្ស និងប្រជាពលរដ្ឋយ៉ាងច្រើនកុះករ។

ថ្លែងក្នុងពិធីនោះ លោក អ៊ុំ សមអឿន បានមានប្រសាសន៍ថា ទ្រព្យសម្បត្តិដ៏មហាសាលរបស់ប្រទេសជាតិ គឺធនធានមនុស្ស។ ស្របតាមបេសកកម្មសង្គម ធនាគារ ខេប៊ីប្រាសាក់ ​បានចូលរួមចំណែកយ៉ាងសកម្មក្នុងការលើកម្ពស់វិស័យអប់រំ។ រហូតមកដល់ពេលនេះ ខេប៊ីប្រាសាក់បានផ្តល់អគារបណ្ណាល័យចំនួន 45 ខ្នង ជូនវិទ្យាល័យ អនុវិទ្យាល័យ និងសាលាបឋមសិក្សានានានៅក្នុងខេត្តផ្សេងៗទូទាំងប្រទេស  ដោយមានបំពាក់ទៅដោយសម្ភារៈបរិក្ខារ សៀវភៅនិងឯកសារ ព្រមទាំងផ្តល់ការបណ្តុះបណ្តាល បណ្ណារក្ស ស្របតាមបទដ្ឋានបណ្ណាល័យក្រសួងអប់រំ យុវជន និងកីឡា។

ដោយឡែកសម្រាប់សាលាបឋមសិក្សាអូរទឹកថ្លា ធនាគារបានសាងសង់អគារសិក្សាមួយខ្នង ដែលមាន 5 បន្ទប់ ដែលមានបំពាក់សម្ភារៈបរិក្ខារយ៉ាងពេញលេញ ដើម្បីផ្តល់នូវបន្ទប់រៀន ក៏ដូចជាបរិយាកាសក្នុងការបង្រៀននិងរៀន កាន់តែល្អប្រសើរសម្រាប់សិស្សានុសិស្ស និងលោកគ្រូ-អ្នកគ្រូ។ ធនាគារ ខេប៊ីប្រាសាក់ ពិតជាមានមោទនភាពក្រៃលែងដែលបានចូលរួមជាមួយគំនិតផ្តួចផ្តើមរបស់ធនាគារជាតិនៃកម្ពុជា ដើម្បីធ្វើឱ្យអគារសិក្សានេះលេចចេញជារូបរាងនៅក្នុងសាលារៀនដាច់ស្រយាលនិងជួបការលំបាកនៃសហគមន៍អូរទឹកថ្លានេះ។ លោកក៏បានសំណូមពរដល់សិស្សានុសិស្ស លោកគ្រូ អ្នកគ្រូ និងសហគមន៍ទាំងមូលមេត្តាចូលរួមថែរក្សាសមិទ្ធផលអគារសិក្សានេះ ឱ្យបានល្អគង់វង្ស ដើម្បីអាចប្រើប្រាស់រាប់ជំនាន់យូរអង្វែងទៅមុខទៀត និងសូមជំរុញកូនចៅរបស់យើងឱ្យបានចូលសាលាគ្រប់ៗគ្នា។

ចំណែកឯ ឯកឧត្ដម ស៊ុំ សន្និសិទ្ធ ទេសាភិបាលរង ធនាគារជាតិនៃកម្ពុជា បានមានប្រសាសន៍ថា ធនាគារជាតិនៃកម្ពុជា ពិតជាមានមោទនភាពដែលបានផ្ដួចផ្ដើមកសាងអគារសិក្សានេះ ដោយមើលឃើញពីទុក្ខលំបាករបស់សិស្សានុសិស្សនៅសាលានេះ​ដែលគ្មានអគារសិក្សា​សមរម្យ។ ក្នុងនាមឪពុកម្ដាយ និងអាណាព្យាបាលសិស្ស ធនាគារជាតិនៃកម្ពុជា សូមថ្លែងអំណរគុណយ៉ាងជ្រាលជ្រៅ​ចំពោះ​ធនាគារ ខេប៊ីប្រាសាក់ ដែលចំណាយថវិកាទាំងស្រុងកសាងអគារសិក្សាដែលមានប 5 បន្ទប់នេះ។ អគារសិក្សាដ៏ស្រស់ស្អាតនិងរឹងមាំនេះ នឹងជំរុញសិស្សានុសិស្សឱ្យខិតខំរៀនសូត្រ និងមករៀនទៀងទាត់ ទាន់កម្មវិធីសិក្សា មិនបារម្ភរឿងភ្លៀងខ្យល់ ក្ដៅ ត្រជាក់នោះទេ។ ទន្ទឹម​នឹងនេះដែរ ឯកឧត្ដមក៏បានសំណូមពរដល់មាតាបិតា និងអាណាព្យាបាលសិស្ស ត្រូវបញ្ជូនកូនមករៀនឱ្យបានគ្រប់គ្នា មិនថាប្រុស ឬ ស្រី ឡើយ ដោយបានលើកឡើងពីសារៈសំខាន់នៃការសិក្សាសម្រាប់ការកសាងជីវភាពគ្រួសារ។ ការបញ្ជូនកូនទៅសាលា គឺប្រៀបដូចជាការសន្សំទ្រព្យឱ្យកូន ការវិនិយោគលើអនាគតកូន ដើម្បីក្លាយជាធនធានដ៏ល្អក្នុងការកសាងសង្គមជាតិ។ ឯកឧត្ដមក៏បានសង្កត់ធ្ងន់ក្នុងការបញ្ជូនកូនស្រីឱ្យទៅសិក្សាឱ្យវែងឆ្ងាយ ឱ្យបានខ្ពស់ ព្រោះថាមិនថាប្រុសឬស្រី សុទ្ធតែមានសមត្ថភាពដូចគ្នា ឱ្យតែខិតខំប្រឹងប្រែង។

អំពី ធនាគារខេប៊ីប្រាសាក់

ធនាគារ ខេប៊ីប្រាសាក់ ម.ក ជាធនាគារពាណិជ្ជដ៏ធំថ្មីមួយនៅកម្ពុជា ប្រសូតឡើងពីការរួមបញ្ចូលគ្នារវាងធនាគារ គូកមីន កម្ពុជា និង គ្រឹះស្ថានមីក្រូហិរញ្ញវត្ថុ ប្រាសាក់។ ធនាគារ ខេប៊ីប្រាសាក់ ជាធនាគារសម្រាប់អតិថិជនគ្រប់ស្រទាប់វណ្ណៈ ដោយរាប់ចាប់ពីអាជីវកម្មខ្នាតតូចនៅតាមតំបន់ជនបទ រហូតដល់សហគ្រាសធំៗលំដាប់អន្តរជាតិ។ យើងតាំងចិត្តយ៉ាងមុតមាំក្នុងផ្ដល់ជូននូវសេវាហិរញ្ញវត្ថុកាន់តែទូលំទូលាយសម្រាប់អតិថិជនគ្រប់ជំនាន់ និងក្លាយជាដៃគូហិរញ្ញវត្ថុពេញមួយជីវិតរបស់អ្នក។ ព័ត៌មានបន្ថែម www.kbprasacbank.com.kh

ធនាគារ ខេប៊ីប្រាសាក់ ម.ក បានប្រារព្ធពិធីសូត្រមន្ត នៅការិយាល័យកណ្តាល និងសាខាទាំងអស់នៅគ្រប់ខេត្តក្រុងនិងរាជធានី ដើម្បីលើករាសី ប្រោះព្រំ ទទួលពរជ័យពីព្រះសង្ឃ និងអបអរឆ្នាំថ្មី ប្រពៃណីជាតិខ្មែរ ឆ្នាំរោង ឆស័ក ព.ស. ២៥៦៨ ដែលនឹងចូលមកដល់ក្នុងពេលឆាប់ៗខាងមុខនេះ។

សូមទេវតាឆ្នាំថ្មី ប្រសិទ្ធពរជ័យ ជ័យមង្គល កើតមានដល់ សម្ដេច ឯកឧត្ដម ឧកញ៉ា លោកជំទាវ លោក លោកស្រី នាងកញ្ញា ព្រមទាំងក្រុមគ្រួសារ ទទួលបានសិរីសួស្ដី ជ័យមង្គល វិបុលសុខ មហាប្រសើរ និងរីកចម្រើនជាមួយគ្នាជានិរន្តរ៍។

ឈ្នះ! ឈ្នះ! ឈ្នះ! ឱកាសឈ្នះរង្វាន់សម្រាប់ពាណិជ្ជករធនាគារខេប៊ីប្រាសាក់ ទាំងចាស់ ទាំងថ្មី ដែលប្រើប្រាស់ KHQR របស់ ធនាគារខេប៊ីប្រាសាក់ ដើម្បីទទួលការស្កេនទូទាត់ពីអតិថិជនដែលប្រើកម្មវិធី KB PRASAC Mobile ឬ កម្មវិធីធនាគារចល័តនៃធនាគារផ្សេង! ពាណិជ្ជករដែលមានប្រតិបត្តិការច្រើន និងទទួលទឹកប្រាក់ច្រើន នឹងត្រូវបានជ្រើសរើសសម្រាប់ការចាប់ឆ្នោតដើម្បីឈ្នះរង្វាន់ជាច្រើន។

ធនាគារខេប៊ីប្រាសាក់ ដែលជាធនាគារពាណិជ្ជនាំមុខគេនៅកម្ពុជា បានបង្កើតកម្មវិធីនេះឡើងដើម្បីលើកទឹកចិត្តដល់ម្ចាស់អាជីវកម្ម ឬ ពាណិជ្ជករដែលប្រើ KB PRASAC KHQR ដើម្បីទទួលការស្កេនទូទាត់ពីអតិថិជនពីគ្រប់ធនាគារ។

កម្មវិធីនេះចាប់ផ្ដើមពីថ្ងៃទី 01 កុម្ភៈ ឆ្នាំ 2024 នេះ រហូតដល់ថ្ងៃ 3០ មេសា 2024 ។
ការចាប់រង្វាន់ធ្វើឡើង នៅរៀងរាល់សប្តាហ៍ទី 1 នៃខែបន្ទាប់សម្រាប់លទ្ធផលប្រតិបត្តិការក្នុងខែមុន។
 
ម្ចាស់អាជីវកម្មម្នាក់ អាចឈ្នះបានរង្វាន់លើសពីមួយ ដោយគោរពតាមលក្ខខណ្ឌខាងក្រោម៖

• ​​អ្នកឈ្នះរង្វាន់ម៉ូតូ ឬ ទូរស័ព្ទ ឬ ធុងបាស អាចបន្តឈ្នះរង្វាន់ទឹកប្រាក់នៅខែបន្ទាប់
• អ្នកឈ្នះរង្វាន់ទឹកប្រាក់ អាចបន្តឈ្នះរង្វាន់ម៉ូតូ ឬ ទូរស័ព្ទ ឬ ធុងបាសនៅខែបន្ទាប់
• ចំនួនប្រតិបត្តិការទូទាត់ចន្លោះពី 30 ទៅ 60 ដង ឡើងទៅក្នុងមួយខែ ដែលទទួលបានពីអតិថិជនតែម្នាក់នឹងមិនត្រូវបានរាប់បញ្ចូលនៅក្នុងលក្ខខណ្ឌចាប់រង្វាន់នេះឡើយ។

សម្រាប់ព័ត៌មានបន្ថែម សូមទាក់ទងមកលេខ 086 999 911

​ធនាគារ​ ខេ​ប៊ី​ប្រា​សាក់​ ​ម​.​ក​ ​បាន​សហការ​ជាមួយ​ក្រុមហ៊ុន​ ​Bill​24 ​Co​., ​L​t​d​ ​ដើម្បី​ផ្ដល់​សេវា​ទូទាត់​វិក្កយបត្រ​ទឹក​និង​ភ្លើង​របស់​ក្រុមហ៊ុន​ឯកជន​ចំនួន​ 21 ​នៅ​ទូទាំង​ប្រទេស​ ​តាម​កម្មវិធី​ KB ​P​R​A​SAC​ ​Mobile​ ​នៅ​ក្នុង​ទូរស័ព្ទ​ដៃ​ ​ដោយ​ងាយស្រួល​និង​រហ័ស​ ​និង​ចំណាយ​ក​ម្រៃ​ទាប​ត្រឹមតែ​ 500​រៀល​ ​ប៉ុណ្ណោះ​ក្នុង​មួយ​ប្រតិបត្តិការ​។

ក្រុមហ៊ុន​ទឹក​-​ភ្លើង​ជា​ដៃគូ​ទាំង​ 21 ​នោះ​រួម​មាន​៖

នេះ​គឺជា​ការ​ផ្ដល់​ជូន​ថ្មី​បន្ថែម​ ​បន្ទាប់ពី​ធនាគារ​បាន​បម្រើ​សេវា​ទូទាត់​វិក្កយបត្រ​ភ្លើង​របស់​អគ្គិសនី​កម្ពុជា​ ​និង​សេវា​ទូទាត់​វិក្កយបត្រ​ទឹក​របស់​រដ្ឋាករ​ទឹក​ស្វយ័ត​ក្រុងភ្នំពេញ​ ​និង​រដ្ឋាករ​ទឹក​ស្វយ័ត​សៀមរាប​។

​មិនទាន់​មាន​កម្មវិធី​ KB ​P​R​A​SAC​ ​Mobile​ ​មែនទេ​? ​ទាញ​យក​កម្មវិធី​នេះ​ពី​ ​A​p​p​ ​Store​ ​ឬ​ ​Play​ ​Store​ ​ហើយ​បើក​គណនី​ឌី​ជី​ថល​ឥឡូវនេះ​បាន​ដោយខ្លួនឯង​ ​ដោយ​មិន​ចាំបាច់​ទៅ​អញ្ជើញ​ទៅ​សាខា​នោះ​ទេ​ ​ដោយ​គ្រាន់តែ​មាន​អត្តសញ្ញាណប័ណ្ណ​សញ្ជាតិ​ខ្មែរ​ដែល​មាន​សុពលភាព​ ​និង​លេខ​ទូរស័ព្ទ​ ​បន្ទាប់មក​លោកអ្នក​អាច​ធ្វើការ​ទូទាត់​ថ្លៃ​ទឹក​ភ្លើង​ ​និង​ប្រតិបត្តិការ​ផ្សេងទៀត​បាន​តាម​តម្រូវ​ការ​។

​អ្វី​ដែល​កាន់តែ​ពិសេស​នោះ​ ​គឺ​លោកអ្នក​នឹង​ទទួល​បាន​អត្រា​ការប្រាក់​រហូតដល់​ 4% ​ក្នុង​មួយ​ឆ្នាំ​សម្រាប់​គណនី​ឌី​ជី​ថល​។​ ​លោក​អ្នករក្សា​សមតុល្យ​គណនី​កាន់តែ​ច្រើន​ ​ទទួល​បាន​អត្រា​ការប្រាក់​កាន់តែ​ខ្ពស់​។

​សម្រាប់​ព័ត៌មាន​បន្ថែម​ ​សូម​ទូរស័ព្ទ​មក​លេខ​ 023 999 911 ​ឬ​ 086 999 911 ​ឬ​ ​ចូល​ទៅកាន់​ www.kbprasacbank.com.kh

​ភ្នំពេញ​ ​ប្រទេស​កម្ពុជា​ ​ថ្ងៃ​ទី​ 07 ​ខែ​សីហា​ ​ឆ្នាំ​ 2023 — ​ធនាគារ​ ខេ​ប៊ី​ប្រា​សាក់​ ​ម​.​ក​ ​ប្រកាស​ដាក់​ឱ្យ​ដំណើរការ​ជា​ផ្លូវការ​ ​បន្ទាប់ពី​រួមបញ្ចូល​គ្នា​រវាង​គ្រឹះស្ថាន​មីក្រូ​ហិរញ្ញវត្ថុ​ ​ប្រា​សាក់​ ​ម​.​ក​ (“​ប្រា​សាក់​”) ​និង​ធនាគារ​ ​គូក​មីន​ ​កម្ពុជា​ ​ភី​អិ​ល​ស៊ី​ (“KBC”) ​។​

​ធនាគារ​រួមបញ្ចូល​គ្នា​ថ្មី​នេះ​គឺ​ ​ធនាគារ​ ខេ​ប៊ី​ប្រា​សាក់​ ​ម​.​ក​ (“ខេ​ប៊ី​ប្រា​សាក់​”) ​ដែល​មាន​អាជ្ញា​ប​ណ្ណ​ធនាគារ​ពាណិជ្ជ​ពី​ ​ធនាគារ​ជាតិ​ ​នៃ​ ​កម្ពុជា​ ​ហើយ​បាន​ទទួលការ​អនុម័ត​លើ​ការ​រួមបញ្ចូល​គ្នា​ពី​ក្រសួង​ពាណិជ្ជកម្ម​នា​ពេលថ្មីៗនេះ​។​

​ធនាគារ​ ខេ​ប៊ី​ប្រា​សាក់​ ​បច្ចុប្បន្ន​មាន​សាខា​សរុប​ចំនួន​ 192 ​នៅ​ទូទាំង​ប្រទេស​កម្ពុជា​ ​ដោយ​ក្នុង​នោះ​កើត​ពី​បញ្ចូល​របស់​សាខា​ប្រា​សាក់​ចំនួន​ 184 ​និង​សាខា​ KBC ​ចំនួន​ 8 ​។​

​ការ​រួមបញ្ចូល​ដ៏​ល្អឥតខ្ចោះ​នេះ​ ​ទាញ​យក​ភាព​ខ្លាំង​នៃ​បទពិសោធន៍​ជិត​ 30 ​ឆ្នាំ​ ​របស់​ប្រា​សាក់​ក្នុង​វិ​ស័​យ​មីក្រូ​ហិរញ្ញវត្ថុ​ ​និង​ន​វា​នុ​វត្ត​ន៍​ហិរញ្ញវត្ថុ​លំដាប់​ពិភពលោក​របស់​ធនាគារ​គូក​មីន​នៅ​ក្នុង​វិ​ស័យ​ធនាគារ​ ​ដែល​អនុញ្ញាត​ឱ្យ​ធនាគារ​រួមបញ្ចូល​ថ្មី​នេះ​ ​ផ្ដល់​សេវា​និង​ផលិតផល​ធនាគារ​ទំនើប​ ​និង​សម្បូរបែប​ ​រួមផ្សំ​នឹង​ប្រព័ន្ធ​ធនាគារ​ស្នូល​និង​ឌី​ជី​ថល​ដែល​ទំនើប​ចុងក្រោយ​ដើម្បី​បម្រើ​អតិថិជន​គ្រប់​ប្រភេទ​នៅ​ក្នុង​ប្រទេស​កម្ពុជា​ ​លើស​ពី​សេវា​ហិរញ្ញវត្ថុ​។​

​ធនាគារ​ ខេ​ប៊ី​ប្រា​សាក់​ ​មាន​ភាគ​ទុនិ​ក​ដ៏​រឹង​មាំ​គឺ​ ​ធនាគារ​ KB Kook​m​in​ ​Bank​ ​ដែល​ជា​ធនាគារ​ពាណិជ្ជ​ធំ​ជាងគេ​របស់​ប្រទេស​កូរ៉េ​ ​និង​ជា​ក្រុមហ៊ុន​បុត្រ​ស​ម្ព័ន្ធ​សំខាន់​មួយ​របស់​ KB ​Financial​ ​Group​ ​Inc​. ​ដែល​ជា​ក្រុមហ៊ុន​ឈាន​មុខ​គេ​លើ​ពិភពលោក​ក្នុង​សេវា​ហិរញ្ញវត្ថុ​សកល​ដែល​មាន​មូលដ្ឋាន​នៅ​កូរ៉េ​ ​និង​ជា​ក្រុមហ៊ុន​ដែល​បាន​ចុះបញ្ជី​នៅ​ផ្សារ​ហ៊ុន​ញូ​វ​យ៉​ក​។​ ​ធនាគារ​ KB Kook​m​in​ ​Bank​ ​មាន​ទិសដៅ​យុទ្ធសាស្ត្រ​ ​ក្នុង​ការ​នាំ​យក​ឧ​ត្ដ​មា​នុ​វត្ត​ន៍ ​និង​បច្ចេកវិទ្យា​ហិរញ្ញវត្ថុ​ឌី​ជី​ថល​ ​មក​ជូន​ ​ធនាគារ​ ខេ​ប៊ី​ប្រា​សាក់​ ​សម្រាប់​ធ្វើ​ឱ្យ​អតិថិជន​មាន​ភាព​ងាយស្រួល​ក្នុង​ការប្រើប្រាស់​សេវា​ធនាគារ​។​

​ជាមួយនឹង​ទស្សនវិស័យ​រួម​ក្នុង​ការ​ជំរុញ​បរិ​យា​ប័ន្ន​ហិរញ្ញវត្ថុ​ ​ធនាគារ​ ខេ​ប៊ី​ប្រា​សាក់​ ​ម​.​ក​ ​ប្តេជ្ញា​ក្លាយ​ជា​ដៃគូ​ហិរញ្ញវត្ថុ​ជាទី​ទុកចិត្ត​បំផុត​ ​ជាមួយនឹង​សេវាកម្ម​ប្រកបដោយ​ភាព​ច្នៃប្រឌិត​ ​និង​និរន្តរភាព​ ​ដែល​ជួយ​ដល់​ភាព​រីក​ចម្រើន​របស់​អតិថិជន​។​ ​ធនាគារ​មាន​គោលបំណង​ផ្តល់​សេវា​ហិរញ្ញវត្ថុ​ដែល​ប្រកបដោយ​និរន្តរភាព​ជូន​ដល់​សហគមន៍​ ​និង​សហគ្រាស​ធុន​តូចបំផុត​ ​ធុន​តូច​ ​និង​មធ្យម​។​

​លោក​ ​អ៊ុំ​ ​សម​អឿន​ ​ប្រធាន​នាយក​ប្រតិបត្តិ​នៃ​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​និង​បច្ចុប្បន្ន​ជា​ប្រធាន​នាយក​ប្រតិបត្តិ​នៃ​ ​ធនាគារ​ ខេ​ប៊ី​ប្រា​សាក់​ ​ម​.​ក​ ​បាន​សម្តែង​ក្តី​រំភើប​ចំពោះ​ដំណើរការ​អភិវឌ្ឍន៍​គួរ​ឱ្យ​កត់​សម្គាល់​នេះ​ថា​ ​«​យើងខ្ញុំ​មាន​សេចក្តី​សោមនស្ស​រីករាយ​ដែល​បាន​ទទួលការ​អនុម័ត​លើ​ដំណើរការ​រួមបញ្ចូល​គ្នា​ ​និង​មាន​អាជ្ញា​ប​ណ្ណ​ធនាគារ​ពាណិជ្ជ​នា​ពេលនេះ​។​ ​តាងនាម​ភាគ​ទុនិ​ក​ ​និង​យើងខ្ញុំ​ទាំងអស់គ្នា​នៅ​ ​ធនាគារ​ ខេ​ប៊ី​ប្រា​សាក់​ ​ខ្ញុំ​សូម​ថ្លែង​អំណរគុណ​យ៉ាង​ស្មោះស្ម័គ្រ​ចំពោះ​ធនាគារជាតិនៃកម្ពុជា​ ​និង​ក្រសួង​ពាណិជ្ជកម្ម​ ​ព្រមទាំង​អាជ្ញាធរ​ពាក់ព័ន្ធ​សម្រាប់​ការ​គាំទ្រ​ ​ក្នុង​អំឡុង​ពេល​នៃ​ការ​រួមបញ្ចូល​គ្នា​ដ៏​សំខាន់​នេះ​»​។​

​«​ការ​រួមបញ្ចូល​គ្នា​នៃ​គ្រឹះស្ថាន​ហិរញ្ញវត្ថុ​ទាំងពីរ​ជា​ ​ធនាគារ​ ខេ​ប៊ី​ប្រា​សាក់​ ​ម​.​ក​ ​បង្ហាញ​ពី​កម្លាំង​សំយោគ​ដ៏​មាន​ឥទ្ធិពល​ដែល​នឹង​បង្កើត​អត្ថប្រយោជន៍​កាន់តែ​ច្រើនឡើង​សម្រាប់​អតិថិជន​ក្នុង​ប្រទេស​កម្ពុជា​។​ ​តាម​ការផ្សំ​បញ្ចូល​គ្នា​នូវ​បទពិសោធន៍​ឈរ​ជើង​ដ៏​យូរអង្វែង​របស់​ប្រា​សាក់​ក្នុង​វិ​ស័​យ​មីក្រូ​ហិរញ្ញវត្ថុ​ ​ជាមួយនឹង​ដំណោះស្រាយ​បច្ចេកវិទ្យា​ហិរញ្ញវត្ថុ​ ​និង​ជំនាញ​ក​ម្រិ​ត​សកល​របស់​ធនាគារ​គូក​មីន​កម្ពុជា​ ​យើង​នឹង​ក្លាយ​ជា​ធនាគារ​ដ៏​រឹង​មាំ​ថ្មី​មួយ​ជាមួយនឹង​បណ្តាញ​ដ៏​ធំ​ទូលាយ​នូវ​វត្តមាន​សាខា​កាន់តែ​ច្រើន​ ​និង​ការ​កើន​ឡើង​នៃ​ទ្រព្យ​សកម្ម​សរុប​»​។​

​លោក​ ​សម​អឿន​ ​បាន​បន្ត​ទៀត​ថា​ ​«​នៅ​ពេល​យើង​ចាប់ផ្តើម​ដំណើរ​ដ៏​រីករាយ​នេះ​ ​ធនាគារ​ ខេ​ប៊ី​ប្រា​សាក់​ ​ម​.​ក​ ​សូម​គោរព​ថ្លែង​អំណរគុណ​យ៉ាង​ស្មោះស្ម័គ្រ​ចំពោះ​អតិថិជន​ចំពោះ​ការ​ផ្ដល់​ទំនុក​ចិត្ត​ ​និង​ភក្ដីភាព​។​ ​យើងខ្ញុំ​ប្តេជ្ញា​ធ្វើការ​យ៉ាងខ្លាំងក្លា​ដើម្បី​ធ្វើ​ឱ្យ​ជីវិត​របស់​អ្នក​កាន់តែ​ប្រសើរ​ឡើង​ ​និង​រួមចំណែក​ដល់​ការ​អភិវឌ្ឍ​របស់​ប្រទេស​កម្ពុជា​ ​តាមរយៈ​ការ​ផ្តល់​ដំណោះស្រាយ​ហិរញ្ញវត្ថុ​ប្រកបដោយ​ន​វា​នុ​វត្ត​ន៍ ​និង​ការ​លើក​ក​ម្ពស់​បរិ​យា​ប័ន្ន​ហិរញ្ញវត្ថុ​»​។​

​លោក​បាន​ថ្លែង​បញ្ចប់​ថា​ ​«​យើងខ្ញុំ​មាន​ជំនឿ​ជឿជាក់​ថា​ ​ជំនាញ​ ​ធនធាន​ ​និង​ការ​ប្តេជ្ញា​ចិត្ត​សម្រេច​បាន​លទ្ធផល​ល្អ​ប្រសើរ​ ​នឹង​ផ្ដល់​អត្ថប្រយោជន៍​ជា​សារវន្ត​ចំពោះ​អតិថិជន​ ​និង​សហគមន៍​ផង​ដែរ​ ​ព្រមទាំង​ក្លាយ​ជា​ដៃគូ​ហិរញ្ញវត្ថុ​ដ៏​ល្អ​បំផុត​ ​គឺ​ ​ធនាគារ​ ខេ​ប៊ី​ប្រា​សាក់​ ​ម​.​ក​»​។​

​សូម​បញ្ជាក់​ថា​ ​រាល់​ឯកសារ​ទាំងអស់​ដូចជា​ ​កិច្ចសន្យា​ខ្ចី​បរិភោគ​ វិញ្ញា​បន​ប​ត្រ​ដាក់​ប្រាក់​បញ្ញើ​ ​ប័ណ្ណ​អេ​ធី​អឹ​ម​ ​ប័ណ្ណ​ឥណទាន​ ​សៀវភៅ​សន្សំ​ ​និង​ឯកសារ​ច្បាប់​ផ្សេងទៀត​របស់​គ្រឹះស្ថាន​មីក្រូ​ហិរញ្ញវត្ថុ​ ​ប្រា​សាក់​ ​និង​ធនាគារ​គូក​មីន​កម្ពុជា​ ​នៅតែ​មាន​សុពលភាព​។​ ​សម្រាប់​ព័ត៌មាន​បន្ថែម​ ​សូម​ទាក់ទង​មក​ការិយាល័យ​ទំនាក់ទំនង​អតិថិជន​របស់​ធនាគារ​ ខេ​ប៊ី​ប្រា​សាក់​ ​ម​.​ក​ ​តាម​ទូរស័ព្ទ​លេខ​ 023 999 911 ​ឬ​ 086 999 911 ​ឬ​ 0969 999 911 ​អុី​ម៉ែ​ល​ ​in​f​o@​p​r​a​sac​.​co​m​.k​h​ ​។​

​អំពី​ធនាគារ​ ខេ​ប៊ី​ប្រា​សាក់​ ​ម​.​ក​
​ធនាគារ​ ខេ​ប៊ី​ប្រា​សាក់​ ​ម​.​ក​ ​ដែល​ជា​ក្រុមហ៊ុន​បុត្រ​ស​ម្ព័ន្ធ​របស់​ KB ​Financial​ ​Group​ ​គឺជា​ធនាគារ​ពាណិជ្ជ​ថ្មី​មួយ​នៅ​ក្នុង​ប្រទេស​កម្ពុជា​ដែល​ត្រូវ​បាន​បង្កើត​ឡើង​តាមរយៈ​ការ​រួមបញ្ចូល​គ្នា​ដោយ​ជោគជ័យ​រវាង​គ្រឹះស្ថាន​មីក្រូ​ហិរញ្ញវត្ថុ​ប្រា​សាក់​ ​ម​.​ក​ ​និង​ ​ធនាគារ​ ​គូក​មីន​កម្ពុជា​ ​ភី​អិ​ល​ស៊ី​។​ ​ធនាគារ​ពាណិជ្ជ​ថ្មី​នេះ​ ​មានទ្រព្យ​សកម្ម​សរុប​ចំនួន​ 5.7 ​ប៊ី​លាន​ដុល្លារ​អាមេរិក​ សមតុល្យ​ប្រាក់​បញ្ញើ​សន្សំ​ ​2.9 ​ប៊ី​លាន​ដុល្លារ​អាមេរិក​ ​ស​ម្ពៀ​ត​ឥណទាន​សរុប​ចំនួន​ 5.0 ​ប៊ី​លាន​ដុល្លារ​អាម​រិ​ក​ ​ការិយាល័យ​សាខា​ចំនួន​ 192 ​និង​បុគ្គលិក​មាន​ចំនួន​ច្រើនជាង​ 10,000 ​នាក់​។​ ខេ​ប៊ី​ប្រា​សាក់​ ​ផ្តល់​ជូន​នូវ​សេវា​ហិរញ្ញវត្ថុ​សម្បូរ​បែប​ ​ដែល​បំពេញ​តម្រូវ​ការ​ ​និង​ចំណូលចិត្ត​របស់​អតិថិជន​។​ ​ធនាគារ​ប្តេជ្ញា​ចិត្ត​ក្នុង​ការ​លើក​ក​ម្ពស់​បរិ​យា​ប័ន្ន​ហិរញ្ញវត្ថុ​ ​ជំរុញ​កំណើន​សេដ្ឋកិច្ច​ ​និង​ការ​ផ្តល់​ដំណោះស្រាយ​សេវា​ធនាគារ​ប្រកបដោយ​ន​វា​នុ​វត្ត​ន៍​ដល់​អតិថិជន​របស់​ខ្លួន​។​ ​សម្រាប់​ព័ត៌មាន​បន្ថែម​ ​សូម​ចូល​ទៅកាន់​ www.kbprasacbank.com.kh ​។​

​អំពី​ធនាគារ​ KB Kook​m​in​ ​Bank​
Kook​m​in​ ​Bank​Co​., ​L​t​d​. ​គឺជា​ធនាគារ​ពាណិជ្ជ​ឈាន​មុខ​គេ​នៅ​ប្រទេស​កូរ៉េ​ខាងត្បូង​ ​ដែល​មាន​ចំនួន​សាខា​ច្រើនជាង​គេ​បំផុត​នៅ​ក្នុង​វិ​ស័​យ​ធនាគារ​ ​និង​មាន​អតិថិជន​ជាង​ 36 ​លាន​នាក់​ ​ដែល​សម​មូល​នឹងជា​ង​ពាក់កណ្ដាល​នៃ​ចំនួន​ប្រជាជន​កូរ៉េ​ទូទាំង​ប្រទេស​។​ ​ធនាគារ​ ខេ​ប៊ី​ ​គូក​មីន​ ​ក៏​ឈរ​ជា​ធនាគារ​នាំមុខ​គេ​លើ​សេវា​ហិរញ្ញវត្ថុ​ឌី​ជី​ថ​លតា​ម​ប្រព័ន្ធ​ទូរស័ព្ទ​ចល័ត​ ​រួម​មាន​ ​L​i​i​v​ ​និង​ KB ​Star​ ​Banking​ ​ដោយមាន​អតិថិជន​ច្រើនជាង​ 17 ​លាន​នាក់​។​ ​ធនាគារ​ ខេ​ប៊ី​ ​គូក​មីន​ ​បាន​ដើរ​តួនាទី​សំខាន់​ក្នុង​ការ​រួមបញ្ចូល​គ្នា​ក្នុងចំណោម​ក្រុមហ៊ុន​បុត្រ​ស​ម្ព័ន្ធ​ទាំងអស់​នៅ​ក្នុង​ KB ​Financial​ ​Group​ ​។​ ​សម្រាប់​ព័ត៌មាន​បន្ថែម​ ​សូម​ចូល​ទៅកាន់​វេ​ប​សាយ​ត៍​៖​ ​w​w​w​.kb​star​.​co​m​ ​ឬ​ ​w​w​w​.kb​f​g​.​co​m​ ​។

​ភ្នំពេញ​ ​ថ្ងៃ​ទី​ 26 ​ខែ​កក្កដា​ ​ឆ្នាំ​ 2023 ​៖​ ​ប្រា​សាក់​ ​ដែល​ជា​គ្រឹះស្ថាន​មីក្រូ​ហិរញ្ញវត្ថុ​ធំ​ជាងគេ​នៅ​កម្ពុជា​ ​និង​មាន​ភាគ​ទុនិ​ក​រឹង​មាំ​ពី​ប្រទេស​កូរ៉េ​ ​គឺ​ ​ធនាគារ​ KB Kook​m​in​ ​Bank​ ​បាន​ផ្តល់​ជូន​អត្រា​ការប្រាក់​ពិសេស​រហូតដល់​ 4% ​ក្នុង​មួយ​ឆ្នាំ​ ​សម្រាប់​គណនី​ឌី​ជី​ថល​ដែល​អតិថិជន​អាច​បើក​បាន​តាម​កម្មវិធី​ ​P​R​A​SAC​ ​Mobile​ ​Banking​ ​នៅ​លើ​ទូរស័ព្ទ​ដៃ​ ​ដោយ​មិនបាច់​ទៅ​សាខា​ ​ដែល​នេះ​ផ្ដល់​នូវ​ភាព​ងាយស្រួល​ ​និង​ភាព​បត់បែន​សម្រាប់​អតិថិជន​។​

​គ្រប់​អតិថិជន​ដែល​មាន​អត្តសញ្ញាណប័ណ្ណ​សញ្ជាតិ​ខ្មែរ​ដែល​មាន​សុពលភាព​ ​និង​មាន​អាយុ​ចាប់ពី​ 16 ​ឆ្នាំ​ឡើង​ ​អាច​បើក​គណនី​ឌី​ជី​ថល​ ​នៅ​ប្រា​សាក់​ ​ដោយ​មិនបាច់​មាន​ប្រាក់​តម្កល់​ដំបូង​ ​និង​សមតុល្យ​អប្បបរមា​។​ ​ក៏ប៉ុន្តែ​ ​អតិថិជន​រក្សា​សមតុល្យ​គណនី​កាន់តែ​ច្រើន​ ​ពួកគាត់​ទទួល​បាន​អត្រា​ការប្រាក់​កាន់តែ​ខ្ពស់​។​ ​ការ​ផ្ដល់​ជូន​នេះ​សម្រាប់​ទាំងអស់​អតិថិជន​ចាស់​ ​និង​ថ្មី​ដែល​បើក​គណនី​ឌី​ជី​ថល​។​

​អត្រាការប្រាក់របស់គណនីឌីជីថល៖

​ជាមួយ​គណនី​ឌី​ជី​ថល​ ​អតិថិជន​អាច​ពិនិត្យមើល​សមតុល្យ​គណនី​ ​ទទួល​ការផ្ទេរ​ប្រាក់​ចូល​ ​និង​អាច​ផ្ទេរ​ប្រាក់​ក្នុងរង្វង់​ប្រា​សាក់​និង​ឆ្លង​ធនាគារ​ ​ស្កេន​កូ​ដ​ K​H​QR ​ដើម្បី​ទូទាត់​ថ្លៃ​ទំនិញ​និង​សេវា​ ​ឬ​ ​បង់ថ្លៃ​ទឹក​ ​ភ្លើង​ ​សំរាម​និង​សំណល់​រឹង​ ​បង់ថ្លៃ​សិក្សា​ ​ទិញ​កាត​ទូរស័ព្ទ​ ​និង​ប្រតិបត្តិការ​ផ្សេងៗ​ទៀត​។​

​សូម​កុំ​រង់ចាំ​ទៀត​! ​បើក​គណនី​ឌី​ជី​ថល​ឥឡូវនេះ​ដើម្បី​ទទួល​បាន​អត្ថប្រយោជន៍​ទាំងអស់​នេះ​ ​ដោយ​ទាញ​យក​ ​កម្មវិធី​ ​P​R​A​SAC​ ​Mobile​ ​Banking​ ​ពី​ ​Goo​g​l​e​ ​Play​ ​Store​ ​ឬ​ ​Apple​ ​A​p​p​ ​Store​ ​។​
​សម្រាប់​ព័ត៌មាន​បន្ថែម​ ​សូម​ចូល​ទៅកាន់​ទំព័រ​ ​គណនី​ឌី​ជី​ថល